குழப்பம்

இன்றும் என்றும் எப்பொழுதும் எனக்குள் எழும் ஓர் பெருங்குழப்பம்
வந்தோம் இங்கே வாழ்வதற்கு வாழ்கை மட்டும் புரியவில்லை.

இன்பம் ஒன்றே நோக்கென்றால் வழிகள் பல தான் இங்கில்லையோ?
துன்பம் துயரம் துக்கமென்று தினமும் அழுவது எதற்கிங்கே?

சுற்றம், உறவு, நட்பெல்லாம் வாழ்வின் முக்கிய உருப்பென்றால்
சர்ச்சை சண்டை மோதலேன்று உற்றாருடனே போர் எதற்கு?

காதல் அன்பு இரக்கந்தான் வாழ்வை வாழும் முறையேன்றால்
கண்ணை மூடி திறப்பதற்குள் அவையே எப்படி பகையாகும்?

கடவுள் சொல்லும் கருத்தெல்லாம் சத்தியச் சங்கமம் 'தான்' என்றால்
நித்தம் நித்தம் அவன் பெயரில் கொலையும் கறையும் இங்கெதற்கு?

மனிதன் என்பது விலங்கென்றால் - பெருக்கியல் மட்டுமதன் வரைஎன்றால்
வாழ்வின் விவரம் அதற்கெதற்கு? வாழ்வதன் அர்த்தம் அதற்கெதற்கு?

இன்றும் என்றும் எப்பொழுதும் எனக்குள் எழும் ஓர் பெருங்குழப்பம்
வந்தோம் இங்கே வாழ்வதற்கு வாழ்கை மட்டும் புரியவில்லை.